Душанбе. 4-уми сентябр. ОИ «Азия-Плюс» - Додситонии шаҳри Душанбе сокини шаҳри Душанбе, Сӯҳроб Тангриеви 23-соларо ба ҳабси якумра дар зиндони низоми махсус маҳкум кард.

Раиси мурофиа, додрас Фахриддин Дадометов ба мухбири ОИ «Азия-Плюс» изҳор дошт, ки С.Тангриев тибқи моддаҳои 104, қ. 2 (Одамкушӣ) ва 244, қ.2-и Кодекси ҷиноии ҶТ (Дуздӣ) гунаҳкор дониста шуд.

Ба иттилои манбаъ, дар таърихи 25-уми апрели соли ҷорӣ С.Тангриев тағои худ Яшин Юлдошев ва ҳамсари ӯ Роҳиларо ба қатл расонида, пулҳои дар хона бударо низ барои гузаронидани ҷашни зодрӯзаш медуздад.

Я.Юлдошев муддати солҳои тӯлонӣ дар Донишгоҳи давлатии миллии Тоҷикистон ба ҳайси омӯзгор фаъолият намудааст.