Душанбе. 5-уми сентябр. ОИ «Азия-Плюс» - Дар ҳашт моҳи соли равон кормандони Агентии назорати маводи нашъаовари назди президенти Тоҷикистон аз муомилоти ғайриқонунӣ беш аз 1 тоннаву 105 кило маводи мухаддирро мусодира карданд. Нишондиҳандаи мазкур нисбат ба ҳамин давраи соли гузашта 44 дарсад зиёдтар аст.

            Аз шӯъбаи робита бо ҷомеаи агентии номбурда ба ОИ «Азия-Плюс» хабар доданд, ки аз миқдори умумии маводи мухаддири мусодирашуда беш аз 261 килояш героин буда, 486 килои он афюн ва тақрибан 358 килояш маводи нашъаи навъи каннабис мебошад.