Душанбе. 5-уми сентябр. ОИ «Азия-Плюс» - Додгоҳи ноҳияи Шоҳмансури шаҳри Душанбе шаҳрванди Уганда - хонумеро, ки охирҳои моҳи майи соли равон аз ҷониби гумрукчиёни фурудгоҳи пойтахт бо миқдори зиёди маводи мухаддир боздошт гардида буд, ба 19 соли зиндон маҳкум намуд.

            Аз Хадамоти гумруки ҷумҳурӣ ба ОИ «Азия-Плюс» хабар доданд, ки ба шаҳрванди хориҷӣ тибқи моддаҳои 32, 200 ва 289-и Кодекси ҷиноии ҶТ айбнома эълон шудааст.

            Ёдовар мешавем, ки нозирони хадамоти гумруки фурудгоҳи пойтахт ҳангоми азназаргузаронии бағочи шаҳрванди Уганда аз он ба миқдори 30 кило маводи сахттаъсири героин дарёфт намуда буданд, ки боздоштшуда мехост онро ба Туркия интиқол диҳад.