Душанбе. 17-уми октябр. ОИ «Азия-Плюс» - Чанде пеш Дафтари Созмони Амният ва Ҳамкории Аврупо (САҲА) ба гурӯҳи таъиноти махсуси милиса (ОМОН)-и Вазорати умури дохилии Тоҷикистон роботи минаҷӯеро тақдим кард, ки 100 ҳазор евро арзиш дорад.

Тавре аз Вазорати умури дохилии ҷумҳурӣ ба ОИ «Азия-Плюс» хабар доданд, ин робот ба кормандони мақомоти ҳифзи ҳуқуқ дар бехавфгардонии минаҳо, муҳимоти натаркида ва безараргардонии таҷҳизоту дастгоҳҳои инфиҷорӣ кӯмак хоҳад кард.

Тибқи маълумоти вазорат, 10 нафар кормандони соҳаи бехавгардонии минаи ин гурӯҳи милиса курсҳои омӯзишии САҲА оид ба безараргардонии минаҳоро хатм кардаанд.

Маросими тақдими робот бо иштироки вазири умури дохилии Тоҷикистон Маҳмадназар Солеҳов ва сафири Дафтари САҲА дар Душанбе Владимир Пряхин баргузор шуд.