Душанбе. 7-уми ноябр. ОИ «Азия-Плюс» - Дар Душанбе бо истифода аз силоҳ сарошпази чойхонаи «Роҳат» Турсун Мансурови 51-сола худкушӣ кардааст.

Тавре сухангӯи вазорати умури дохилии ҷумҳурӣ - Муҳаммадулло Асадуллоев ба ОИ «Азия-Плюс» хабар дод, ҳодиса дирӯз дар манзили маскунии Мансуров ба амал омад.

Зимнан аз ҷойи воқеъа 1 таппончаи навъи «Макаров» бо 7 дона тир ва як тирдон ёфт ва мусодира карда шуд. Сабаби худкушӣ ва ба кӣ тааллуқ доштани таппонча муайян карда мешавад. Аз рӯи ин далел парвандаи ҷиноӣ боз гардида, тафтишот идома дорад - гуфт Ассадуллоев.