Душанбе. 3-юми март. ОИ «Азия-Плюс» - Чанде қабл кормандани шӯъбаи фаврии Хадамоти гумруки назди ҳукумати ҷумҳурӣ қочоқчии навбатии маводи мухаддирро боздошт намуданд.

            Тавре аз маркази матбуоти хадамот ба ОИ «Азия-Плюс» хабар доданд, зимни азанзаргузаронии бағочи мусофирони хатсайри ҳавоии Душанбе-Самара шаҳрванди Тоҷикистон, зани 48-сола Патимат Скоринская ба гумони даст доштан дар муомилоти ғайриқонунии маводи мухаддир боздошт гардид. «Зан мехост дар дохили миёнбанде, ки ба ҷисмаш баста шуда буд, ҳудуди 1 кило маводи сахттаъсири ҳероинро ба хориҷи кишвар интиқол диҳад», - гуфт манбаъ.

            Ба иттилои манбаъ, аз рӯи далели мазкур парвандаи ҷиноӣ боз гардида, феълан зан таҳти назорати мақомоти ҳифзи ҳуқуқ қарор дорад.