Душанбе. 24-уми апрел. ОИ «Азия-Плюс» - Имрӯз дар нишасти матбуотӣ сарвари Агентии назорати маводи нашъаовари назди президенти Тоҷикистон Шерхон Салимзода изҳор дошт, ки ҳисоботи аудити Бонки Миллии Тоҷикистон то ҳол расман ба агентӣ ворид нагардидааст, вале натиҷагириҳои аудиторон ҳанӯз маънои онро надорад, ки бояд аз рӯи ин далелҳо парвандаи ҷиноӣ боз карда шавад.

«Мо бояд маводи таҳиянамудаи аудитро дақиқан мавриди омӯзиш қарор дода, ояндаи наздик санҷиши мустақилонаи худро доир созем», - гуфт ӯ.

Ёдрас мекунем, ки тибқи натиҷаҳои аудити баргузорнамуда аз ҷониби ширкати аудитории мустақили бритониёии «Ernst and Young», мақомоти раҳбарии собиқи БМТ ба сарфаи ғайримақсадноки воситаҳои давлатӣ роҳ додааст.