Хуҷанд. 25-уми апрел. ОИ «Азия-Плюс» - Аз оғози сол кормандони агентии зиддифасод дар вилояти Суғд 53 ҷинояти хусуияти иқтисодӣ ва корррупсионӣ доштаро ошкор сохтанд.

Чанде қабл дар нишасти матбуотӣ сарвари Раёсати агентии назорати давлатии молиявӣ ва мубориза бо коррупсияи вилояти Суғд Ҷумъаназар Раҳматов изҳор дошт, ки аз рӯи ин далелҳо тибқи моддаҳои азхудкунӣ ва камомад, қаллобӣ, сӯиистифода аз мансаб, порадиҳӣ ва порахӯрӣ, қаллобии хизматӣ ва ғайриқонунӣ ҷудо кардани қарз 53 парвандаи ҷиноӣ боз карда шуд.

Ба содир намудани ҷиноят 1 корманди вазорати маориф, 13 корманди вазорати мудофиа, 2 корманди ширкати «Барқи тоҷик», 1 корманди вазорати кишоварзӣ, 1 намояндаи мақомоти маҳаллии ҳокимияти давлатӣ, 5 хизматчии бонк ва 13 намояндаи сохтори дигар гумонбар дониста мешаванд.