Чанде қабл кормандони Раёсати мубориза бо гардиши ғайриқонунии маводи нашъаовари Вазорати умури дохилии ҶТ як миқдор маводи мухаддирро кашф ва мусодира намуданд.

Тавре ба ОИ «Азия-Плюс» аз Вазорати умури дохилии ҷумҳурӣ хабар доданд, дар ҷараёни баргузор намудани чораҳои фаврӣ-ҷустуҷӯйӣ дар ноҳияи Рӯдакӣ ба гумони даст доштан дар мумилоти ғайриқонунии маводи мухаддир шаҳрванди Тоҷикистон И.У. боздошт шудааст. «Ҳангоми кофтукови шахсии ӯ 2 кило маводи мухадири сахттаъсири героин дарёфт ва мусодира гардид», - гуфтанд дар вазорат.

Ба иттилои манбаъ, минбаъд зимни кофтукови манзили зисти боздоштшуда боз ҳудуди 2 килои дигар героин дарёфт ва мусодира шудааст. Аз рӯйи ин далел парвандаи ҷиноӣ боз шуда, корҳои тафтишотӣ идома доранд.

Соли равон кормандони тамоми воҳидҳои Вазорати корҳои дохилии ҷумҳурӣ аз муомилоти ғайриқонунӣ ҳудуди 110 кило маводи мухаддир мусодира карданд.