Рӯзи гузашта дар пойтахти Тоҷикистон ҷаласаи даҳуми прокуророни генералии кишварҳои узви Созмони ҳамкории Шанхай баргузор шуд.

Тавре ба ОИ «Азия-Плюс» аз Прокуратураи генералии ҷумҳурӣ хабар доданд, дар кори ҷаласа прокуророни генералии Тоҷикистон, Қазоқистон, Қирғизистон, Чин ва муовинони прокурорҳои генералии Русия ва Ӯзбекистон ширкат варзиданд.

Ба итилои манбаъ, дар ҷаласа масоили такмилу густариши ҳамкориҳои прокуратураҳои генералии кишварҳои узви созмон дар мубориза алайҳи коррупсия, ошкор сохтани сарчашмаҳои пуштибони гурӯҳҳои террористӣ ва ифротгаро мавриди баррасӣ қарор гирифтанд.

Қарор шуд, ки ҷаласаи навбатии прокуророни генералии кишварҳои узви СҲШ соли 2013 дар Қирғизистон доир мегардад.