Дар доираи баргузории амалиёти «Кӯкнор-2013» дар вилояти Суғд беш аз 6 ҳазор ниҳоли бангдонаи ҳиндӣ решакан шуданд.

Тавре ба ОИ «Азия-Плюс» аз Раёсати ВКД ҶТ дар вилояти Суғд хабар доданд, чанде қабл дар қаламрави заминҳои хоҷагии Палоси шаҳри Чкаловск 6 ҳазору 450 адад рустаниҳои нашъадор ошкор ва решакан шуданд.

Бино ба маълумоти коршиносон, вазни умумии бангдонаи нобудшуда 18 килову 400 граммро ташкил дода, минбаъд он сӯзонида шуд.

Ёдрас мекунем, ки амалиёти «Кӯкнор-2013» 20-уми май оғоз гардида, то 30-юми ноябри соли равон идома меёбад.