Донишгоҳи шаҳри Қурғонтеппа ба номи Носири Хусрав нисбати шогирдони собиқаш ба суд шикоят бурдааст.

Ба гуфтаи ректори донишгоҳ Маҳмад Шодиев, дар соли хониши 2012-2013 донишгоҳи номбурдаро 835 нафар бо ихтисоси омӯзгорӣ хатм карданд, ки таҳсили онҳо аз ҳисоби буҷаи давлат сурат гирифтааст.

«Мувофиқи тақсимоти донишгоҳ ин  донишҷӯён бояд сари вақт ба ҷойи корашон ҳозир мешуданд. Мутаассифона, аз ҳисоби умумии хатмкардагони факультаи омӯзгорӣ 118 нафар ба ҷойи кори пешниҳодшуда ҳозир нашуданд, ки аз ин шумора 12 нафар ба сафи қувваҳои мусалаҳ рафтанд», - гуфтр ректор.

Ба гуфтаи ӯ, 45 нафари хатмкардагоне, ки ба ҷойи кори муайяншуда бо хоҳиши худ ҳозир нашуданд, 57 ҳазор сомонӣ тариқи суд руёнида, ба буҷаи давлат  пардохта шуд. Айни замон суд шикоятро нисбати 67 нафари боқимонда баррасӣ мекунад.