Раёсати Кумитаи давлатии амнияти миллии Тоҷикистон дар вилояти Суғд аз кӯшиши интиқоли миқдори зиёди героини афгонӣ ба Қирғизистон пешгирӣ карданд.

Тавре ба Хабаргузории «Азия-Плюс» дар маркази робитаҳо бо ҷомеаи КДАМ-и Тоҷикистон гуфтанд, дар натиҷаи гузаронидани амалиёти махсус аз нашъаҷаллобон наздики 7 килло героин мусодира шудааст.

Аз рўи ин далел сокини 39-солаи шаҳри Кӯлоб, ки дар шаҳри Чкаловски вилояти Суғд ва сокини 38-солаи шаҳри Хуҷанд, собиқ корманди яке аз мақомоти қудрати дастгир шудаанд.

Мувофиқи иттилоъ, боздоштшудагон кӯшиш доштанд ин миқдор нашъаро ба Қирғизистон дар махфигоҳи махсуси сабукрави «Мерседес-бенС» интиқол бидиҳанд. Аз рӯи ин далел парвандаи ҷиноятӣ боз шуда, тафтишот идома дорад.