Дар вилояти Хатлон 8 муҳоҷири кории ғайриқонунии покистонӣ ошкор шуданд.

Тавре ба ОИ «Азия-Плюс» и. в. сардори Раёсати хадамоти муҳоҷирати вилояти Хатлон Маҳмудҷон Хоркашев иттилоъ дод, будубоши ғайриқонунии онҳо дар қаламрави вилоят зимни баргузории амалиёти «Нелегал», ки аз 23-юми сентябр то 11-уми октябр баргузор шуд, ошкор гардидааст.

«Нисбат ба шаҳрвандони Покистон барои будубоши ғайриқонунӣ дар қаламрави Тоҷикистон санадҳои маъмурӣ тартиб дода шуда, онҳо ба маблағи умумии 8 ҳазору 760 сомонӣ ҷаримабандӣ шуданд», - иброз дошт ӯ.

Зимнан зикр гардид, ки ҳамчунин дар ҷараёни ин амалиёт барои риоя накардани муқаррароти будубош дар қаламрави Тоҷикистон 1 шаҳрванди Афғонистон ва 4 шаҳрвнди Чин аз қаламрави кишвар хориҷ карда шуданд.