Соати 13:20-и имрӯз ҷаласаи судии охирин оид ба парвандаи соҳибкор Зайд Саидов баргузор мешавад.

Тавр ба ОИ «Азия-Плюс» адвокати соҳибкор Шуҳрат Қудратов хабар дод, адвокатҳои айбдоршавандаро суд ба ҳузур доштан дар қироати ҳукм даъват кардаааст.

Раёсати мурофиаро судя Шавкат Абдулҳақов ба дӯш дорад. Ин ҳамон судяест, ки мурофиаи парвандаи Маъруф Орифов, мудири кулли шабакаҳои супермаркети «Орима»-ро раисӣ карда буд. Дар мурофиаи зикршуда айбдоркунанда ба М.Олимов ҳукми 4 соли зиндони низоми умумиро дархост намуда буд, вале Ш.Абдулҳаков мудири кулли шабакаҳои супермаркети «Орима»-ро ба 8,5 соли зиндони низомаш шадид бо мусоидари молу мулк маҳкум кард.

Дар сухани ниҳоии худ Зайд Саидов тамоми айбномаҳои алайҳи ӯ пешниҳодшударо туҳмат хонд . Соҳибкори тоҷик Зайд Саидов зимни суханронии ниҳоияш , ки 14-уми декабр анҷом ёфт, аз додгоҳ баррасии одилонаи парвандаашро дархост карда, қайд намудааст, ки 28 соли аз ҷониби айбдоркунандаи давлатӣ талабшударо чун маҳкум сохтан ба марг қабул кардааст.