Кормандони Раёсати мубориза бо гардиши ғайриқонунии маводи мухаддири ВКД Тоҷикистон ду шаҳрванди Афғонистонро бо миқдори зиёди маводи мухаддир боздошт намуданд.

Бино ба маълумоти маркази матбуоти ВКД Тоҷикистон, сокинони вилояти Қундузи Афғонистон – Саидикром валади Саидисломи 39-сола ва Хайрмаҳмад Муҳаммад Мӯсои 32-сола ҳаноми баргузории амалиёти махсус боздошт шуда, аз онҳо беш аз 36 кило маводи мухаддири ҳашиш дарёфт ва мусодира шудааст.

Ғайр аз ин, кормандони Раёсати мубориза бо ҷинояткории муташаккили ВКД ҶТ барои даст доштан дар муомилоти ғайриқонунии маводи мухаддир ду сокини пойтахт – Дилшод Лақаеви 40-сола ва зодаи ноҳияи Фархор Ҷашед Юсуофвро низ боздошт ва аз онҳо ҳудуди 8 кило афюнро мусодира кардаанд.