Дар яке аз кӯчаҳои шаҳри Екатеринбург ҷасади шаҳрванди Тоҷикистон дарёфт карда шудааст.

Бино ба хабари ОИ «Актуально» бо истинод ба сардори Раёсати иттилооти Сарраёсати ВКД Русия дар вилояти Свердловск, пас аз расидани хабари ҳодиса, кормандони пулис ба ҷойи ҳодиса ҳозир шуда, ҷасади мардеро бо аломатҳои марги маҷбурии захмҳои халандаю буранда дар қисмати қафаси синааш дарёфтаанд.

Намояндаи мақомоти пулис ҳамчунин изҳор намудааст, ки кормандони пулису муфаттишон сокинони се бинои истиқоматии наздиктарин ба ҷойи ҳодисаро пурсуҷӯ доранд, то ки ягон шоҳиде пайдо кунанд.

«Шахсияти марди ҳалокшударо кормандони пулис муайян карданд. Ӯ зодаи Тоҷикистон буда, соли 1982 таваллуд шудааст. Хешону наздикони марҳум ба ҷойи ҳодиса ҳозир шуда, шахсияти ӯро тасдиқ карданд», - гуфтааст номбурда.

Дар Раёсати мазкур аз шоҳидон, бахусус ронандагони воситаҳои нақлиёти дорои сабти видеойӣ дархост карданд, ки ба тафтиши ин ҷиноят кумак кунанд.