Вазорати корҳои дохилии Тоҷикистон дар бораи сабабҳои сар задани сӯхтор маркази савдои «Шаҳбоз» -и шаҳри Кӯлоб маълумоти расмӣ интишор намуд.

Дар маълумоти расмӣ зикр мегардад, ки баъди таҳқиқи ҳолатҳои воқеъа аз ҷониби мутахассисони соҳаи оташнишонӣ муайян карда шуд, ки сабаби сар задани сӯхтор вайрон намудани талаботи Қоидаҳои назорати давлатии бехатарӣ аз сӯхтор ҳангоми истифодаи яхдони дохили мағозаи фурӯши маҳсулотҳои хӯрока, роҳбараш Рашид Ризоев мебошад.

«Аз беназорат гузоштани яхдони барқӣ ҳангоми ба қувваи барқ пайваст будан, ки дар натиҷаи аз меъёр барзиёд истифода намудани он, минтақаҳои васлии он корношоям гардида, ба расиши кӯтоҳи ноқилҳои барқӣ оварда расонидааст, сӯхтор сар задаст», - гуфта мешавад дар маълумот.