Суди ҳарбии гарнизони Хатлон акнун собиқ афсари Гвардияи миллии Тоҷикистон ва ҳаммаслаки ӯ -  собиқ корманди хадамоти оташнишонии ноҳияи Муъминободро барои мунтазам дуздидани чорво маҳкум намуд.

Раиси Суди ҳарбии гарнизони Хатлон Тоир Искандаров ба «Азия-Плюс» дар ин робита изҳор намуд, ки лейтенати хурди Гвардияи миллӣ Раҷаалӣ Махсумов ва собиқ корманди хадамоти оташнишонӣ Маҳмадзоир Давлатов муддати зиёде дар роҳи мошингарди Сарбанд – Данғара ба дуздии чорво мащғул буда, сипас гӯшти онро ба қассобони Кӯлоб месупурдаанд.

«Моҳи июли соли равон сокинони маҳаллӣ зимни кӯшиши навбатии рабудани говҳо, дздонро боздошта, онҳоро ба ихтиёри мақомоти ҳифзи ҳуқуқ супурданд, - гуфт Искандаров. – Нисбати онҳо мутобиқи моддаи 244 (Дуздӣ)-и КҶ ҶТ парвандаи ҷиноӣ боз шуда, дар ҷараёни тафтишоти пешакӣ ва мурофиаи судӣ муайян карда шуд, ки зиёни расида ба ҷабрдидагонро наздикони маҳкумшудагон барқарор кардаанд».

Ба қавли ӯ, суд Раҷабалӣ Маҳмудов ва Маҳмадзоир Давлатовро мутобиқи моддаи «Дуздӣ» гунаҳкор эътироф намуда, ҳар кадомеро ба 250 нишондиҳандаи ҳисоб ё худ 10 ҳазор сомонӣ ҷаримабандӣ кард.