Ахири ҳафтаи гузашта кормандони милитсия ду сокини шаҳри Душанбе, мардони 26 ва 33-соларо бо гумони даст доштан ба гардиши ғайриқонунии маводи мухаддир дастгир карданд.

Бино ба иттилои маркази матбуоти ВКД ҶТ, дар вақти кофтукови шахсӣ аз онҳо 884 грамм маводи нашъадори афюн ва 205-дона ҳабҳои “МДМА”, ки вазни умумиашон 44,0 граммро ташкил медиҳанд, дарёфт ва мусодира карда шудааст.

Гуфта мешавад, ҳамчунин аз ҷониби кормандони милитсия марди 51-солаи сокини ноҳияи Ҷаббор Расулов бо гумони нигоҳ доштани маводи нашъадор дастгир карда шуда, дар вақти азназаргузаронии манзилӣ истиқоматии гумонбаршуда 711-грамм маводи нашъадори бангдона дарёфт ва мусодира гардидааст.

Зимнан зикр мегардад, ки нисбати далелҳои мазкур парвандаи ҷиноятӣ оғоз гардида тафтишот дар ин самт идома дорад.