Ба гумони даст доштан дар содир кардани ҷинояти ғоратгарӣ, кормандони милитсия сокинони қаблан барои дуздӣ маҳкумшудаи шаҳри Ваҳдатро боздошт намуданд.

Бино ба иттилои маркази матбуоти ВКД Тоҷикистон, муайян карда шудааст, ки гумонбаршудагон нимашаби рӯзи 9 январ дар назди меҳмонхонаи “Пойтахт”-и шаҳри Душанбе марди 34-солаи сокини пойтахтро бе ягон асос  лату кӯб намуда,  бо роҳи зӯроварӣ аз дасташ як адад телефони мобилии тамғаи “Самсунг”-ро, ки арзишаш  300 сомонӣ меистад, тасарруф  намуда, аз ҷойи ҳодиса ғайб задаанд.

Гуфта мешавад, аз рӯи ин ҳодиса парвандаи ҷиноӣ боз шуда, тафтишот дар ин самт идома дорад.