Ба ШВКД-1 дар ноҳияи Сино марди 44-солаи сокини шаҳри Душанбе муроҷиат намуда, изҳор доштааст, ки моҳи ноябри соли 2014 дар кӯчаи Гипрозем, назди бозори “Деҳқон”-и шаҳри Душанбе марди 33-солаи сокини шаҳри Душанбе бо роҳи фиреб ба бовариаш даромада, аз ӯ 1-адад автомашинаи тамғаи  “БМВ Х-6”, ки арзишаш 40 ҳазор доллари амрикоиро ташкил медиҳад, харидорӣ намуда маблағашро то ҳол барнагардонидааст.

Бино ба иттилои маркази матбуоти ВКД Тоҷикистон, ин марди 33-сола бо ҳамин роҳ моҳи январи соли 2015 аз марди 48-солаи сокини шаҳри Душанбе дар кӯчаи Гипрозем 10 ҳазор доллари амрикоиро гирифта, то ҳол барнагардонидааст.

Гуфта мешавад, ҳамин тариқ гумонбаршудаи мазкур моҳи марти соли 2014 аз марди 44-солаи сокини шаҳри Душанбе, дар кӯчаи Гипрозем, назди бозори “Деҳқон”, 1-адад автомашинаи тамғаи “Рендж-Ровер”, арзишаш 58 ҳазору 630доллари амрикоиро гирифта маблағашро то ҳол барнагардонидааст.

Зимнан зикр мегардад, ки аз рӯи ин далелҳо парвандаи ҷиноятӣ оғоз гардида, тафтишот идома дорад.