Мақомоти прокуратура нисбати ҷангалдори хоҷагии ҷангали ноҳияи Ҳисор А.Бобокалонов барои ғайриқонунӣ буридани дарахтон мутобиқи моддаи 234-и Кодекси ҷиноии ҶТ (Ғайриқонунӣ буридани дарахт  ва буттаҳо) парвандаи ҷиноӣ боз намуданд.

Бино ба иттилои маркази матбуоти Прокуратураи генералии ҶТ, ҷангалбон бо истифода аз мақоми хизматӣ ахири соли гузашта дар ҷангалзори минтақаи Алмосӣ ду адад дарахти дар сабзиш қарордоштаи навъи акатсияро ғайриқонунӣ бурида, ба  хоҷагии ҷангал 1 ҳазору 560 сомонӣ зарар расонидааст.

Мутобиқи меъёрҳои ин модда, ба ҷангалбон ҷарима дар ҳаҷми 32 то 40 ҳазор сомонӣ бо маҳрум кардан аз ҳуқуқи ишғоли мансабҳои муайян ё машғул шудан бо фаъолияти муайян ба муҳлати то се сол ё бидуни он ё ҳабс ба муҳлати аз ду то шаш моҳ бо маҳрум кардан аз ҳуқуқи ишғоли мансабҳои муайян ё машғул шудан бо фаъолияти муайян ба муўҳлати то панҷ сол ё бидуни он ҷазо пешбинӣ шудааст.