Суди ноҳияи Исмоили Сомонии пойтахт сокини шаҳри Душанберо ба 8 соли зиндони низомаш умумӣ бо маҳрум кардан аз ҳуқуқи машғул шудан бо фаъолияти соҳибкорӣ ба муҳлати 3 сол маҳкум кард.

Бино ба иттилои суди ноҳияи мазкур,  сокинони шаҳри Душанбе Тоҷинисо Холова ва Ислом бо лақаби «Полковник» ба содир намудани ҷинояти қаллобӣ дар ҳаҷми ниҳоят зиёд (моддаи 247 КҶ ҶТ) гунаҳкор дониста шудаанд. Мурофиа таҳти раёсати судяи суди ноҳияи Исмоили Сомонӣ Ҷӯрабек Ширинзода баргузор шудааст.

Ба иттилои манбаъ, муайян карда шудааст, ки онҳо давоми моҳҳои январ-феврали соли 2012 ба боварии шаҳрванд Чинниев даромада, аз ӯ бо ваъдаи дохил намудани ҷияни рафиқаш ба Донишгоҳи давлатии тиббии Тоҷикистон 14 ҳазор доллари ИМА маблағ мегиранд.

Гуфта мешавад, вале онҳо ба ваъда вафо накарда, маблағи бо роҳи фиреб ба даст овардаашонро ба манфиатҳои шахсиашон сарф мекунанд ва бо ин роҳ ба Чинниев зарари махсусан калони моддӣ расонидаанд. Дар мурофиаи судӣ гуноҳи айбдошавандагон исбот шуд.