Сокини 23-солаи шаҳри Душанбе Ислом Иззатов барои қатли ҳамсоязани 44-сола ва кӯшиши куштани писари 13-солаи ӯ ба 25 соли зиндони низомаш шадид маҳкум шуд.

Бино ба маълумоти суди шаҳри Душанбе, 17 сентябри соли гузашта маҳкумшуда ба манзили ҳамсоязан, сокини кӯчаи Намангон ворид шуда, бо корд ба ҷисми зан якчандзарба мезанад, ки ӯ аз ҷароҳатҳои бардошта дар ҷойи ҳодиса ба ҳалокат мерасад. Сипас ӯ ба писари 13-солаи зан низ бо корд 4 зарба зада, ноболиғ дар бемористон бистарӣ мешавад.

Гуфта мешавад, маҳкумшуда бинобар сабаби шикояти ҳамсоязан ба ҳокимияти маҳаллӣ доир ба вайрон шудани таҳкурсии хонааш аз обпартоҳои манзили Иззатов ба ин ҷиноят даст задааст.

Зимнан зикр мегардад, ки келини хонадон, ҳамсари бародари судшуда Алифмо Шарипова низ барои хабар надодан дар бораи ҷиноят ба 2 соли зиндони низомаш умумӣ маҳкум шудааст.