Дар шаҳри Санкт-Петербурги Русия нисбати як шаҳрванди 21-солаи Тоҷикистон Амоннуло Яҳёхӯҷаев, ки нозири Раёсати ВКД дар яке аз ноҳияҳои шаҳрро пахш намуда, баъди ин ӯро ба масофаи 50 метр дар қисмати болои автомашинааш (капоташ) кашола карда бурда буд, ҳукм содир шуд.

Бино ба иттилои дафтари матбуоти прокуратураи шаҳри Санкт Петербург, А.Яҳёхӯҷаев ба содир намудани ҷиноят мутобиқи моддаи 318, қ. 2-и Кодекси ҷиноии ин кишвар (истифодаи зӯроварӣ нисбати намояндаи ҳокимият) гунаҳкор дониста шуда, ба 2 соли зиндони низомаш умумӣ маҳкум шуд.

Гуфта мешавад, бар асари ин амали ронанда корманди пулис ҷароҳатҳои сабуки ҷисмонӣ бардошта, ҳамчунин айбдоршаванда кӯшиш кардааст, ки аз ҷойи ҳодиса гурехта, аз масъулияти маъмурӣ оид ба фурӯши ғайриқонунии молҳои фурӯшашон манъ ё маҳдудшуда сарпечӣ намояд.