Кормандони Хадамоти гумруки назди ҳукумати ҷумҳурӣ бар асоси хулосаи Агентии «Тоҷикстандарт» дар яке аз партовгоҳҳои ноҳияи Рӯдакӣ беш аз 5 тонна меваҳои ананас ва мангоро нобуд карданд.

Бино ба иттилои дафтари матбуоти Хадамоти гумрук, ин маҳсулоти вайроншуда тавассути автомашинаҳои боркаш аз Амороти Муттаҳидаи Араб ворид шуда, зимни анҷом додани расмиёти зарурии гумрукӣ ошкор шудааст, ки он барои истеъмол корношоям ва барои сиҳатии одамон хатарнок аст.