Як марди 41-солаи сокини шаҳри Душанбе ба мақомоти милитсия муроҷиат намуда, изҳор доштааст, ки нимаи моҳи август ҳангоми баргаштанаш аз шаҳри Қурғонтеппа ба Душанбе, дар ҳудуди деҳаи Чашмасори ноҳияи Хуросон як зани ношиноси тахминан 20-25-сола ба автомашинааш нишаста, тариқи пинҳонӣ аз дохили кисаи курткааш 5 ҳазор сомониашро дуздида, аз ҷойи ҳодиса ғайб задааст.

Гуфта мешавад, дар натиҷаи гузаронидани чорабиниҳои оперативӣ-ҷустуҷӯӣ кормандони милитсия бо гумони содир намудани ҷинояти дуздӣ зани 24-солаи сокини шаҳри Сарбандро дастгир намуда, далели шайъиро гирифтаанд.

Зимнан зикр мегардад, ки аз рӯи ин ҳодиса парвандаи ҷиноятӣ оғоз гардида, тафтишот идома дорад.