Суди вилояти Хатлон нисбати се тан аз аъзои оилаи Бадалиевҳо, сокинони ноҳияи Панҷ ҳукм содир намуд. Онҳо дар куштор ва расонидан зарари вазнин ба саломатӣ гунаҳкор эътироф гардиданд.

Бино ба иттилои маркази матбуоти Прокуратураи генералии ҶТ, бародарон Бадалиевҳо дар мавзеи доманакӯҳҳои Қарсанбулоқи деҳаи Коммунизм ба чарондани молҳои калони шохдор, майда, аспҳои ҷамъиятӣ ва шахсии худ фаъолият мекарданд.

Дар ин мавзеъ бародарон Наибовҳо низ чорвои худро мечарониданд. Миёни онҳо дар заминаи истифодаи чapoгoҳ ва чоҳи оби нӯшокии чорво муноқиша cap зада, бародарон Бадалиевҳо нахуст Шоназар Наибовро бо таёқҳояшон лату кӯб ва ӯро ба чоҳ партофтаанд, вале ӯ зинда мемонад.

Сипас Бадалиевҳо нақшаи қатли Додарбеков, домоди Наибовҳоро, ки 400 метр дуртар аз онҳо молҳояш қарор доштанд, тарҳрезӣ намуда, бо таёқҳои чӯпонии худ ӯро то марг лату кӯб мекунанд.

Гуфта мешавад, суд Ф.Бадалиевро ба 27 соли зиндон ва ду бародарӣ ӯ ҳар кдомеро ба 25 соли зиндон маҳкум кард.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.