Сокини ноҳияи Муъминобод, зани 25-сола ба даст доштан дар кӯшиши фурӯши тифли навзоди худ гумонбар дониста мешавад.

Бино ба иттилои маркази матбуоти ВКД Тоҷикистон, кормандони милитсия ин занро дар ҷараёни баргузории чорабиниҳои оперативӣ-ҷустуҷӯӣ боздошт кардаанд.

Гуфта мешавад, 9-уми июн зан дар таваллудхонаи марказии шаҳри Кӯлоб тифли навзод, ҷинсаш мардро таваллуд карда, баъдан бо маслиҳати пешакӣ бо зани 44-солаи сокини ноҳияи Восеъ, ӯро ба маблағи 1.050 сомонӣ (каме бештар аз 100 доллар) ба зани 57-солаи сокини ноҳияи Муъминобод фурӯхтаанд.

Зимнан зикр мегардад, ки оид ба ин ҳодиса парвандаи ҷиноятӣ оғоз гардида, корҳои тафтишотӣ идома доранд.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.