Раёсати ВКД дар шаҳри Душанбе аз шаҳрвандон хоҳиш намудааст, ки дар дастгир намудани ҷинояткори касбӣ ва хавфнок кумаку мусоидат намоянд.

Зодаи шаҳри Душанбе, Акмал Алиматови 31-сола мавриди ҷустуҷӯ эълон шудааст, хабар медиҳад сомонаи расмии милитсияи пойтахт.

Ин шахс қаблан дар Тоҷикистону Русия барои содир намудани ҷиноятҳои авбошӣ, ғайриқонунӣ гузаштани сарҳади давлатӣ, роҳзаниу ғоратгарӣ маҳкум шудааст.

Гуфта мешавад, айни замон номбурда барои содир намудани ҷинояти махсусан вазнини муқобили саломатии инсон равонагардида гумонбар дониста шуда, дар ҷустуҷӯ қарор дода шудааст.

“Вобаста ба ин, мақомоти милитсияи пойтахт аз кулли шаҳрвандон хоҳиш менамояд, агар нисбати ин шаҳрванд ягон иттилое доранд, ба рақамҳои телефони боварии Раёсати ВКД дар шаҳри Душанбе 221-15-00 ва ё милитсияи маҳалли зисти худ (02) хабар диҳанд”, - омадааст дар маълумоти РВКД Душанбе.

Зимнан зикр мегардад, ки шаҳрвандоне, ки барои дастгир намудани ин ҷинояткори хавфнок мусоидат мекунанд, мукофотонида мешаванд.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.