Кормандони милитсия зимни баргузор намудани чорабиниҳои фаврии ҷустуҷӯӣ ба гумони даст доштан дар расонидани зарари молӣ ба воситаи фиреб ё суистифода аз боварӣ марди 55-солаи сокини кӯчаи Туниси пойтахтро боздошт намуданд.

“Номбурда аз моҳи апрели соли 2019 ба ҶДММ “Джонг Фу” дар шаҳри Ваҳдат маълумотҳои бардурӯғ ворид намуда, ба миқдори 9 млн. 489 ҳазору 832 кВт/соат қувваи барқи истифодашударо барои пардохт намудан, пешниҳод накардааст, ки дар натиҷа ин миқдор қувваи барқ аз ҳисоб берун ва пинҳонӣ монда, ба давлат ба маблағи 6 млн. 158 ҳазору 017 сомонӣ зарари моддӣ расонидааст”, - хабар медиҳад дафтари матбуоти ВКД Тоҷикистон.

Гуфта мешавад, аз рӯйи ин далел нисбати боздоштшуда мутобиқи моддаи 253 Кодекси ҷиноятии Тоҷикистон (Расонидани зарари молу мулкӣ бо роҳи  фиреб ё суистифодаи боварӣ) парвандаи ҷиноятӣ боз шуда, дар ин модда аз се то панҷ соли маҳрумият аз озодӣ ҷазо пешбинӣ мешавад.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.