Нисбати ронандае, ки дар ағба қоидаҳои ҳаракат дар роҳро вайрон карда, боиси садамаи нақлиётӣ ва сарозер шудани “Дулан” гашта буд, ба андозаи 4 нишондиҳанда барои ҳисобҳо, яъне ба маблағи 256 сомонӣ ҷарима таъйин гардидааст. Дар ин бора Шӯъбаи БДА Раёсати ВКД ҶТ дар вилояти Суғд, зимни як гузориш телевизионӣ иттилоъ дод.
“4-уми ноябри соли 2022, тахминан соатҳои 12.00 дақиқа, ронандаи воситаи нақлиёти тамғаи “Опел-Зефира” Юнусов Эраҷ Аъзамқулович, сокини ҷамоати Моғиёни шаҳри Панҷакент, ҳангоми ҳаракат дар километри 92-юми шоҳроҳи Душанбе-Хуҷанд-Чаноқ талаботи қоидаҳои ҳаракат дар роҳро дағалона вайрон намуда, ҳангоми сабқат намудан ба муқобили самти ҳаракати воситаи нақлиёти тамғаи “Дулан” баромада, ҳолати садамавиро ба вуҷуд меорад, ки дар натиҷа ду воситаҳои нақлиёти боркаш ба ҳам бархӯрда, осеби техникӣ бардоштанд. Хушбахтона, дар ин садамаи нақлиётӣ ягон шахс ҷароҳати ҷисмонӣ набардоштааст”, - зикр мегардад дар гузориш.
Ҳамчунин, дар ин гузориш таъкид мешавад, ки оид ба ҳодисаи мазкур нисбати ронандаи воситаи нақлиёт, парвандаи маъмурӣ тибқи моддаи 333, қисми 1 Кодекси ҳуқуқвайронкунии маъмурии ҶТ тартиб дода шуда, барои чораҷӯӣ ба мақомоти судӣ ирсол карда шудааст. Баъди аз тарафи ронанда барқарор намудани воситаи нақлиёти дар натиҷаи садама зарардида, нисбати ронандаи “Опел-Зефира” ба андозаи 4 нишондиҳанда барои ҳисобҳо, яъне ба маблағи 256 сомонӣ ҷарима таъйин гардидааст.
Ёдовар мешавем, ки навори лаҳзаи рух додани садама, ки дар шабакаҳои иҷтимоӣ паҳн гардид, мавриди баҳсу баррасиҳои зиёд қарор гирифт. Дар навор дида мешуд, ки ронандаи “Опел-Зефира” ҳангоми баромадани баландии ағба, дар ҷойи мамнӯъ ба самти муқобили ҳаракат мебарояд ва боиси сар задани садама мегардад. Ронандаи “Дулан” ба хотири пахш накардани мошини “Опел-Зефира” самти ҳаракати худро дигар карда, ба мошини дигари боркаш бармехӯрад. Дар натиҷа, мошини боркаш ба ҷарӣ сарозер мешавад.
Дар навор дида мешавад, ки ронандаи “Опел-Зефира” пас аз сар задани садама аз ҷойи ҳодиса фирор мекунад. Корбарони шабакаҳои иҷтимоӣ низ маҳз ба ҳамин фирор кардани ронандаи “Опел-Зефира” эътирози худро баён карда буданд.
Тотористон ронандагон ва муҳандисони тоҷикро ба кор ҷалб кардан мехоҳад
Хадамоти алоқа: ширкатҳои мобилӣ дар се моҳ беш аз 1 млрд сомонӣ даромад ба даст овардаанд
Иброҳим Раисӣ ва ҳамроҳонаш ба ҳалокат расидаанд. Ноиби раиси ҷумҳури Эрон ин хабарро расман тасдиқ кард
Чархболи суқуткардаи Иброҳим Раисӣ пайдо шуд, аммо тақдири ӯ ва ҳамроҳонаш норӯшан аст
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
Кулли ахбор
Авторизуйтесь, пожалуйста