Додгоҳи олӣ се ҳафта пеш Саидаҳмадзодаро дар як мурофиаи пӯшида ба зиндон маҳкум кард, аммо додрас ва вакилони дифоъ намегӯянд, ки ӯ чанд сол аз озодӣ маҳрум шуда.
Хабарнигорони Радиои Озодӣ рӯзи 1-уми май барои фаҳмидани ҷузъиёти ҳукми Рустам Саидаҳмадзода ба Додгоҳи олии Тоҷикистон муроҷиат карданд, вале ҷавоб нагирифтанд.
Як масъули Додгоҳи олӣ танҳо ҳаминро гуфт, ки "ҳукми Рустам Саидаҳмадзода то ҳол ба иҷро надаромадааст" ва ба ин сабаб наметавонанд дар бораи он гап зананд.
Ӯ афзуд, додраси пешин аз рӯйи ҳукм ба зинаи кассатсионӣ шикоят бурдааст ва баъд аз гирифтани хулосаи он ҳукмро ба расонаҳо мегӯянд. Ин ҳолат дар Тоҷикистон камназир аст, чун дар гузашта дар парвандаҳои пурсарусадо, додгоҳ ҳадди ақал ба чанд сол маҳкум шудани муттаҳамро эълон мекарданд.
Аз сӯи дигар наздикон ва вакилони дифои Рустам Саидаҳмадзода ҳам намегӯянд, ки ӯ ба чанд сол зиндон маҳкум шудааст.
Чанд мурофиаи ахири Саидаҳмадзода дар дохили бинои Боздоштгоҳи муваққатӣ ё СИЗО баргузор шуд ва барои ҳамин дарёфти маълумот дар бораи ҳукм мушкил шудааст.
Додситон пештар барои Рустам Саидаҳмазода 9 сол зиндон талаб карда буд. Додраси пешини Додгоҳи ноҳияи Бобоҷон Ғафуровро ба қаллобӣ, нашри ахбори дурӯғ, баромадан аз ҳадди ваколати мансабӣ ва ғайриқонунӣ баровардани ҳукм муттаҳам мекунанд, аммо Саидаҳмадзода дар сухани охиринаш ҳама иттиҳомро рад карда, худро бегуноҳ хонда буд.
Қазияи Рустам Саидаҳмадзода асосан барои содир кардани ҳукми сафед боис ба таваҷҷуҳ шудааст. Дар Тоҷикистон ҳукмҳои сафед каманд.
Тибқи омори расмӣ, солона додгоҳҳои Тоҷикистон ҳудуди 11 ҳазор парвандаи ҷиноиро баррасӣ мекунанд, вале аз миёни ҳазорҳо муттаҳам соли 2020 танҳо 2 ва соли 2021 фақат 11 нафар сафед шудаанд. Дар нимсолаи аввали соли гузашта додгоҳҳо 5508 парвандаи ҷиноиро баррасӣ карда, ягон ҳукми "сафед" набаровардаанд.
Ҳаёти марде, ки ба ҳар тавсиф меарзад
Вазорати дифоъ: “Нақшаи даъват ба артиш беш аз 80 дарсад иҷро шуд”
Дар Душанбе нимпайкараи Одина Ҳошим, фалаксарои машҳур қомат афрохт
“Аудиокитоб” бо Субҳон Ҷалилов. Дардҳои гиреҳхӯрда. Ҳикояи “Ҳаваси субҳи содиқ” қисми 2
“Танҳо шабона”. Аз “Барқи тоҷик” гуфтанд, маҳдудияти интиқоли барқ бекор шудааст
Яке аз куҳантарин рӯзноманигорони Тоҷикистон Олег Соболев даргузашт
Фонди хайриявии “Музаффар” намоишгоҳи гулу растанӣ - “НЕКӢ БИКОР” баргузор мекунад
Фурудгоҳи Душанбе ба далели нишасти "хатарнок"-и ҳавопаймои эронӣ беш аз 6 соат аз фаъолият боз мондааст
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 11 апрели соли 2025
Зидди ҳама. “Ҷанги тиҷоратӣ”-и Доналд Трамп ба минтақа ва Тоҷикистон чӣ таъсир мерасонад?
Кулли ахбор
Авторизуйтесь, пожалуйста