Анна Ревенко, вазири корҳои дохилии Молдова дар пайи ҳодисаи тирпарронӣ дар фурудгоҳи Кишинёв, ки бар асари он ду нафар кушта шуд, истеъфо дод. Якҷо бо ӯ ҳамчунин, Анатолий Топале, вазири маориф ва Лилия Дабижа, раиси вазорати инфрасохтор низ ба истеъфо рафтанд.
Дар ин бора РИА Новости бо истинод ба Дорин Речеан, нахуствазири Молдова хабар медиҳад.
Ба навиштаи ин расона, нахуствазир гуфтааст, ки номзадҳо ба мансабҳои холишударо ҳафтаи оянда ба президент Майя Санду пешниход мекунад.
Тирпарронӣ дар фурудгоҳи шаҳри Кишинёв, пойтахти Молдова рӯзи 30-юми июни соли 2023 рух дод. Рустам Ашуров, як шаҳрванди Тоҷикистон, ки ба иддаои мақомоти тоҷик дар рабудани Шуҳрат Исматуллоев, мувоини раиси “Ориёнбонк” даст дошт, баъди гирифтани посухи рад барои убури сарҳад ду афсари пулиси марзро ҳадафи тир қарор дода, як мусофирро бо корд захмӣ кард.
Дар ҷараёни амалиёти боздошт худи Рустам Ашӯров низ шадидан захмӣ ва бистарии бемористон шуд. Ӯ дар бемористон ба худ наомада, ҷон дод.
Намояндагони мақомоти ҳифзи ҳуқуқи Тоҷикистон барои рӯшан кардани ҷузъиёти ҳодиса ба Молдова сафар карданд, аммо маълум нест, ки натиҷаи ин сафар чӣ шуд.
Қаблан, баъди чанд лаҳзаи тирпарронӣ дар фурудгоҳи Кишинёв, мақомоти Тоҷикистон хабар доданд, ки Рустам Ашӯров соли 2013 дар ватани худ барои содир кардани ҷиноят аз кор дар сафи мақомот озод гардида, барои муддате зиндонӣ шудааст. Ӯ пеш аз муҳлат ба озодӣ баромада, рӯзи 23-уми июн дар рабудани бонкир дар Душанбе иштирок кардааст.
Прокуратураи генералии Тоҷикистон низ рӯзи 1 июл хабар дод, ки Рустам Ашӯров дар рабудани муовини раиси “Ориёнбонк” Шуҳрат Исматуллоев гумонбар аст.
Ҳоло дар Тоҷикистон ҷустуҷӯи Шуҳрат Исматуллоев идома дорад.
Дар Русия даст доштан дар муҳоҷирати ғайриқонунӣ ҷинояти вазнин дониста мешавад
Нигаронии ХБА аз сатҳи баланди қарзи давлатӣ дар саросари ҷаҳон
Эмомалӣ Раҳмон ба Турсунзода рафт. Кадом иншоот ба истифода дода шуд?
Соли 2023 дар Тоҷикистон 44 ҳазор хонанда баъди синфи 9 таҳсилро қатъ кардааст
Дар Тоҷикистон боз як бонки нав - “Фридом Бонк Тоҷикистон” иҷозаи фаъолият дарёфт кард
Офарандаи яке аз нақшҳо дар филми “Шоҳ Исмоили Сомонӣ” дар садамае ҷон бохтааст
Огоҳии КҲФ аз хатари омадани селҳо дар навоҳии кӯҳӣ
Захираи маводи сӯхт барои соҳаи маориф дар зимистон. Дар куҷо чанд дарсад иҷро шуд?
Сармураббии мунтахаби футболи Қазоқистон барои беэҳтиромӣ ба забони давлатӣ муҷозот шуд
“Я даҳа иҷа бтакон”. Намояндагии Хадамоти шиносномадиҳӣ ва раводиди ВКД-и Русия чӣ тавр фаъолият мекунад?
Кулли ахбор
Авторизуйтесь, пожалуйста