Азиза Ҳайдарова, котибаи Рустам Саидаҳмадзода, додраси собиқи Додгоҳи ноҳияи Бобоҷон Ғафуров, ки ба гуноҳи қаллобӣ 10 сол зиндон шуда буд, бо пардохти ҷуброни зарар ва татбиқи қонуни авф баъди 9 моҳи ҳабс ба озодӣ баромадааст.
Дар ин бора худи Азиза Ҳайдарова ба Радиои Озодӣ хабар дода, гуфтааст, “аз баҳри як манзили баҳсӣ, ки сабаби боздошт шуданам гардида буд, гузаштам”.
Ӯ афзудааст, ки ҳафтаи гузашта аз маҳбас ба хона баргашт ва аз вазъи саломатӣ шикоят надорад.
“Талаби даъвогарро қонеъ кардам. Ҳарчанд хонаро модарам бо пуле харида буд, ки дар муҳоҷират ба даст овардааст, ба даъвогарон додам. Пас аз он нисбат ба ман қонуни афв татбиқ карда шуд. Ҳоло дар Хуҷанд ҳастам”, - зикр кардааст Азиза Ҳайдарова.
Номбурда дар робита ба қазияи боздошту зиндонӣ шуданаш, ҳамчунин парвандаи Рустам Саидаҳмадзода, ки гуфта мешуд, ӯро маҷбур кардаанд, ки бар зидди додраси собиқ баёнот диҳад, ҷузъиёт надодааст ва танҳо гуфтааст, “то замони интиқол ба маҳбаси Норак дар боздоштгоҳ фишори зиёд меоварданд, ки ба хости муфаттиш ҳарф занам”.
Қаблан, Барно Ҳайдарова, модари Азиза Ҳайдарова ба Радиои Озодӣ гуфта буд, ки “духтарашро маҷбур кардаанд ба зидди Рустам Саидаҳмадзода баёнот диҳад ва баҳси хона танҳо баҳона аст".
Моҳи декабри соли гузашта, Азиза Ҳайдароваи 23-сола бо “қаллобӣ”, “исрофкорӣ” ва “сохтакории далелҳо” гунаҳкор дониста шуда, 10 сол равонаи зиндон шуда буд.
Рустам Саидаҳмадзода, додраси Додгоҳи ноҳияи Бобоҷон Ғафуров, ки бо судури “ҳукмҳои сафед”-аш маъруф буд, дар асоси чор банди Кодекси ҷиноӣ 6,5 сол равонаи зиндон гардид. Дертар Додгоҳи олӣ аз ин ҳукм 1,5 солашро кам кард.
Вазорати адлия Шаҳбози Аброрро раиси Ҳизби демократи Тоҷикистон эътироф кардааст
Аз Алӣ Лориҷонӣ то Саид Ҷалилӣ. Сабти номзадҳо ба мақоми раёсҷумҳури Эрон оғоз гардид
Тоҷикистону Чин маблағгузории лоиҳаҳои афзалиятнокро дар Тоҷикистон баррасӣ карданд
“Роҳ ба сӯи Тиён-Шон”: дар Тоҷикистон рушди роҳҳои мошингард баррасӣ шуд
ВКД сабаби ҳодисаи марбут ба зани 23-соларо, ки аз ошёнаи 5-ум дар Кӯлоб афтод, шарҳ дод
Чаро Тоҷикистон дар безараргардонии фурӯзонакҳои каммасраф муваффақ нашуд?
“Воридот ва фурӯши сатру либоси сиёҳ манъ аст”. Ин ба кори фурӯшандагон чӣ гуна таъсир мерасонад?
Бар зидди писари раиси бозори Ёвон парвандаи ҷиноӣ боз карданд. Ҷузъиёти кордзании хонандагон
Боришот зиёдтар мешавад: обуҳавои моҳи июн дар Тоҷикистон
“Худам шоҳу табъам вазир?”. Мансабдороне, ки парвои интиқод надоранд
Кулли ахбор
Авторизуйтесь, пожалуйста