Додгоҳи шаҳри Маскав қарори суди ноҳияи Симоноворо дар бораи рад шудани ҳабси блогер аз Тоҷикистон Салмон Раҷабзода (Салмон Ҷумъабой) бекор намуда, парвнада ба барррасии дубора фиристода шудааст. Дар ин бора Telegram-канали судҳои салоҳияти умумии пойтахти Русия хабар медиҳад.
Қаблан додгоҳи ноҳияи Симоновои Маскав ҳабси ӯро аз рӯи парванда ба гумони барангехтани бадбинӣ ва адоват (модд. 282, қ. 2, б. “в”, КҶ ФР) барои нашри видео дар шабакаҳои иҷтимоӣ рад кард.
“Рӯзи 17 январ Додгоҳи шаҳри Маскав қарори суди ноҳияи Симоноворо аз 9 январи соли 2024 рад кард. Тибқи ин қарор Раҷабзода С.Д. аз ҳабс раҳо шуд. Мавод ҷиҳати баррасии дубора ба додгоҳи ноҳияи Симонов ирсол шудааст”, - зикр мешавад дар хабар.
Блогер рӯзи 7 январ боздошт шуд. Додгоҳи Симоново дархости тафтишотро дар бораи ҳабси ӯ рад кард. Парвандаи ҷиноятӣ нисбати ӯ бо моддаи 282, қ. 2, б. “в” Кодекси ҷиноятии Русия (барангехтани бадбинӣ ва адоват, паст задани шаъну эътибори инсон) боз шудааст.
Тибқи фарзияи тафтишот, Салмон Раҷабзода дар шабакаҳои иҷтимоӣ наворҳои саҳнавӣ нашр карда, дар онҳо назди духтарон мерафт ва аз онҳо рақами телефон мепурсид ё ба бӯсидан даъват мекард. Кумитаи тафтишоти Русия хабар дод, ки наворҳо хусусияти таҳқиркунанда доранд, зеро дар онҳо “духтарони русро масхара мекунанд”.
Додгоҳи ноҳияи Симоново рӯзи 9 январ блогерро озод кард, зеро ба чунин хулоса расид, ки далелҳои тафтишот этимодбахш нестанд. Агар айби Салмон Раҷабзода исбот шавад, ӯ метавонад ба муҳлати 6 сол равонаи зиндон гардад.
Қаблан зикр гардида буд, ки раиси Кумитаи тафтишоти Русия Александр Бастрикин ҷараёни санҷиши далели навор бо таҳқирҳоро зери назорати шахсии худ гирифтааст.
“Шӯҳрат намехоҳам, талош дорам таърихро таҳқиқ кунам ва таълим диҳам”. Камолуддин Абдуллоев 75 сол шуд
“Шкаф” - “тумбочка” ва “короче” - “просто”. Калимаҳои маъмули русӣ ба тоҷикӣ чӣ гуна тарҷума мешаванд?
“Афсӯс, ки дастгир шуданд”. Шаҳрванди Қирғизистон барои шарҳе зери навори боздошти гумонбарони ҳамла ба “Крокус” 3 сол равонаи зиндон шуд
Парвандаи кормандони “Агроинвестбонк” баъди 3 сол дубора тафтиш шудааст
Боздошти як зани 44-сола бо гумони куштори тифли 11-моҳа дар Хуҷанд
Мусодираи қариб 6,5 ҳазор қуттӣ тамоку, ки бо роҳи қочоқ вориди кишвар шуда буд
Ба президент мутобиқсозии растаниҳои нодирро ба шароити Тоҷикистон нишон доданд
Раёсати Оҷонсии зиддифасод: Муовини раиси Исфара барои фурӯши замин ҷарима шуд, вале то ҳол дар мансаб аст
Мунтахаби ҷудои Тоҷикистон ба мусобиқаи Тоскулоҳи бузург ба Тошканд меравад
“Аудиокитоб” бо Субҳон Ҷалилов. Маснавии маънавӣ. Ҳикояи “Силии нақд аз атои нася беҳ”
Кулли ахбор
Авторизуйтесь, пожалуйста