Рамазон Раҳимзода, вазири корҳои дохилӣ “тарконидан”-и мошини Салим Сайвализода, раиси Ҳизби халқии демократии Тоҷикистон дар шаҳри Кӯлобро “акти террористӣ” унвон кард ва гуфт, он аз ҷониби “гурӯҳи муташаккили террористӣ содир шудааст”.
Ӯ дар нишасти матбуотии имрӯза, 15-уми феврал гуфт, дар робита ба ин ҳодиса аз ҷониби ВКД ва Кумитаи давлатии амнияти миллии Тоҷикистон (КДАМ) гумонбарони зиёд дастгир шудаанд, вале аз шумораи муайян ном набурд.
Ҳамин тариқ, вазир бо ишора ба сирри тафтишот аз додани ҷузъиёти бештар дар бораи ин ҳодиса худдорӣ кард ва ваъда дод, ки баъди ба анҷом расидани тафтишот ба расонаҳо маълумот пешниҳод мекунад.
Охири моҳи январи соли равон Ҳамзаалӣ Музофиров, иҷрокунандаи вазифаи додситони минтақаи Кӯлоб дар нишасти хабарӣ иттилоъ дод, ки дар робита ба ин қазия 8 гумонбар, аз ҷумла 2 гумонбари асосӣ дастгир шуда, бар зиддашон парвандаи ҷиноятӣ боз шудааст, вале парванда муҳри махфӣ дорад.
Ба қавли ӯ, дар пайи ҳодисае, ки аввали моҳи январи соли 2024 рух дод, алайҳи ду гумонбари асосоӣ бо моддаҳои 179 ва 307 Кодекси ҷиноятӣ (терроризм ва даъвати оммавӣ барои бо зӯр тағйир додани сохти конститутсионӣ) парванда боз гардид.
Ӯ зикр кард, ки боздоштшудагон ҳамчунин дар якчанд ҷиноятҳои дигар ҳам даст ва бо гурӯҳҳои ифротӣ алоқа доштаанд ва ҳамкорӣ мекардаанд.
“Ҳатто онҳо ҷиноятҳои содир кардаашонро навор гирифта мефиристодаанд. Аксарияти шариконашон шиносоӣ шудааст ва ҳоло онҳо ҳам боздошт хоҳанд шуд. Ба парванда ба ин хотир муҳри махфӣ зада шудааст”, - шарҳ дода буд иҷрокунандаи вазифаи прокурори минтақаи Кӯлоб.
Ҳамаи боздоштшудагон сокинони шаҳри Кӯлоб ҳастанд. Шахсияти онҳо маълум нест.
Аввали моҳи январ Радиои Озодӣ хабар дод, ки мошини хидматии Салим Сайвализода, раиси ҲХДТ дар минтақаи Кӯлоб, рӯзи 5-уми январ, дар назди хонааш дар деҳаи Тудакафш таркид ва худаш маҷрӯҳ шудааст.
Мақомот аз маҳалли ҳодиса “боқимондаи маводи худсохти тарканда” пайдо кардаанд. Ҳанӯз маълум нест, ҳадаф аз таркондани мошини раиси ҲХДТ дар Кӯлоб чӣ будааст.
“Шӯҳрат намехоҳам, талош дорам таърихро таҳқиқ кунам ва таълим диҳам”. Камолуддин Абдуллоев 75 сол шуд
“Шкаф” - “тумбочка” ва “короче” - “просто”. Калимаҳои маъмули русӣ ба тоҷикӣ чӣ гуна тарҷума мешаванд?
“Афсӯс, ки дастгир шуданд”. Шаҳрванди Қирғизистон барои шарҳе зери навори боздошти гумонбарони ҳамла ба “Крокус” 3 сол равонаи зиндон шуд
Парвандаи кормандони “Агроинвестбонк” баъди 3 сол дубора тафтиш шудааст
Боздошти як зани 44-сола бо гумони куштори тифли 11-моҳа дар Хуҷанд
Мусодираи қариб 6,5 ҳазор қуттӣ тамоку, ки бо роҳи қочоқ вориди кишвар шуда буд
Ба президент мутобиқсозии растаниҳои нодирро ба шароити Тоҷикистон нишон доданд
Раёсати Оҷонсии зиддифасод: Муовини раиси Исфара барои фурӯши замин ҷарима шуд, вале то ҳол дар мансаб аст
Мунтахаби ҷудои Тоҷикистон ба мусобиқаи Тоскулоҳи бузург ба Тошканд меравад
“Аудиокитоб” бо Субҳон Ҷалилов. Маснавии маънавӣ. Ҳикояи “Силии нақд аз атои нася беҳ”
Кулли ахбор
Авторизуйтесь, пожалуйста