Муфаттиши калони шуъбаи тафтишотии ШВКД дар шаҳри Хуҷанд ба гумони гирифтани пора ба маблағи 6 ҳазор доллар боздошт шуд.
Тавре ки маркази матбуоти Агентии назорати давлатии молиявӣ ва мубориза бо коррупсияи ҷумҳурӣ хабар медиҳад, муфаттиш Т.Абдураҳимзода 6 ҳазор доллар пораро аз шахси гумонбар ба сохтакории ҳуҷҷатҳо гирифтааст, то ки ӯро ба ҷавобгарии ҷиноятӣ ҷалб накунад.
Ин амали ӯ дар ҷараёни чорабиниҳои фаврӣ-тафтишотӣ, ки рӯзи 27 январ дар ноҳияи Бобоҷон Ғафуров гузаронида шудаанд, ошкор шудааст.
Ба иттилои манбаъ, сармуфаттиш бевосита баъди гирифтани маблағи зикршуда аз шаҳрванд Х.А.О. бо далели шайъӣ дастгир шудааст.
Гуфта мешавад, оид ба ҳолати мазкур нисбати Абдураҳимзода Т. бо аломатҳои таркиби ҷиноят дар моддаи 319 қисми 2 КҶ Тоҷикистон (Гирифтани пора аз ҷониби шахси мансабдор) парвандаи ҷиноятӣ оғоз карда шуда, тафтишоти пешакӣ идома дорад.
Дар ин модда ҷарима дар ҳаҷми аз 5 ҳазору 475 то 12 ҳазору 775 нишондиҳанда барои ҳисобҳо (1 нишондиҳанда - 72 сомонӣ) ё ҷазои зиндон ба муҳлати аз 3 то 7 сол бо маҳрум шудан аз ҳуқуқи ишғоли вазифаҳои муайян ба муҳлати то 5 сол пешбинӣ шудааст.
Тавре қаблан зикр гардида буд, давоми соли 2023 аз ҷониби ҳамаи воҳидҳои агентӣ 2212 ҷиноятҳои коррупсионӣ ва иқтисодии марбут ба коррупсия ошкор карда шудааст.
Вазорати адлия Шаҳбози Аброрро раиси Ҳизби демократи Тоҷикистон эътироф кардааст
Аз Алӣ Лориҷонӣ то Саид Ҷалилӣ. Сабти номзадҳо ба мақоми раёсҷумҳури Эрон оғоз гардид
Тоҷикистону Чин маблағгузории лоиҳаҳои афзалиятнокро дар Тоҷикистон баррасӣ карданд
“Роҳ ба сӯи Тиён-Шон”: дар Тоҷикистон рушди роҳҳои мошингард баррасӣ шуд
ВКД сабаби ҳодисаи марбут ба зани 23-соларо, ки аз ошёнаи 5-ум дар Кӯлоб афтод, шарҳ дод
Чаро Тоҷикистон дар безараргардонии фурӯзонакҳои каммасраф муваффақ нашуд?
“Воридот ва фурӯши сатру либоси сиёҳ манъ аст”. Ин ба кори фурӯшандагон чӣ гуна таъсир мерасонад?
Бар зидди писари раиси бозори Ёвон парвандаи ҷиноӣ боз карданд. Ҷузъиёти кордзании хонандагон
Боришот зиёдтар мешавад: обуҳавои моҳи июн дар Тоҷикистон
“Худам шоҳу табъам вазир?”. Мансабдороне, ки парвои интиқод надоранд
Кулли ахбор
Авторизуйтесь, пожалуйста