Комилҷон Мирзобадалзода, муовини раиси ноҳияи Шаҳритус, ки ҳамзамон роҳбари комиссияи даъват ба артиш дар ноҳия буд, бо иттиҳоми гирифтани 5 ҳазор сомонӣ пора боздошт шудааст. Дар ин бора Оҷонсии зиддифасоди кишвар хабар медиҳад.
Манбаъ менависад, ки ӯ рӯзи 18-уми апрели соли равон дар асоси шикояти шаҳрванд А.С. (ному насабаш гуфта намешавад) ҳангоми гирифтани пора дар дохили мошинаш дастгир гардида, маблағ ҳамчун далели шайъӣ гирифта шуд.
Мирзобадалзода барои озод кардани фарзанди А.С. аз хидмати ҳарбӣ 5 ҳазор сомонӣ талаб кардааст. Ин ҷавон ҳоло дар Русия қарор доштааст.
“...дар натиҷаи гузаронидани амалҳои зарурӣ Мирзобадалзода К.М. дар ҳудуди ноҳияи Шаҳритус, Ҷамоати шаҳраки Шаҳритус, кӯчаи И.Сомонӣ баъди аз шаҳрванд А.С. гирифтани маблағи 5000 сомонӣ дар дохили автомашинааш дастгир карда шуда, маблағи мазкур аз ӯ ҳамчун далели шайъӣ ёфта гирифта шуд”, - гуфтааст Оҷонсии зидифасод.
Ин ниҳод мегӯяд, бар зидди муовини раиси ноҳияи Шаҳритус ба иттиҳоми гирифтани пора аз ҷониби шахси мансабдор (қисми 2-и моддаи 319-и Кодекси ҷиноятӣ) парванда кушода, ӯ ҳоло дар боздошт қарор дорад. Ба ӯ аз 394 ҳазору 200 сомонӣ то қариб 920 ҳазор сомонӣ ҷарима ё аз се то ҳафт сол зиндон таҳдид мекунад.
Назари нафари боздоштшуда ё вакили дифои ӯ дастрас нест.
Боздошти раиси комиссияи даъват ба артиши ноҳияи Шаҳритус дар ҳолест, ки дар Тоҷикистон маъракаи даъвати ҳарбии баҳорӣ ҷараён дорад ва то охири моҳи майи соли равон идома мекунад.
Ёдовар мешавем, ки дар гузашта ҳам оид ба боздошти чанде аз кормандони комиссариатҳои ҳарбии шаҳру навоҳӣ ва комиссияҳои даъват дар назди ҳукуматҳои шаҳру ноҳияҳо барои озод кардани даъватшавандагон аз хидмати ҳарбӣ бар ивази гирифтани пора хабарҳо нашр шуда буд.
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Кулли ахбор
Авторизуйтесь, пожалуйста