Рамазон Раҳимзода, вазири корҳои дохилии Тоҷикистон бо Николаас Якоб Схермерс, сафири мухтори Шоҳигарии Нидерланд дар Тоҷикистон бо қароргоҳ дар шаҳри Остонаи Қазоқистон истирдоди шахсони дар ҷустуҷӯ қарордоштаро баррасӣ кардааст.
Дафтари матбуоти ин ниҳод хабар медиҳад, ки ин мулоқот дирӯд, 1-уми май, баргузор шуда, дар рафти он ҳамчунин, тақвияти ҳамкориҳо дар самти пешгирӣ ва муборизаи босамар бар зидди терроризм, ифротгароӣ, ҷиноятҳои муташаккили фаромиллӣ, қочоқи воситаҳои нашъадор, мубодилаи иттилоот ва мусоидат ба таҳкими сулҳу субот дар Афғонистон муҳокима гардидааст.
Ҳамчунин, доир ба ҳолати кунунии дурнамои вазъи минтақа, ҷаҳон ва дигар масоили мубрами рӯз табодули афкор сурат гирифтааст.
“Дар рафти вохӯрӣ масъалаи муҳим ин дастгир намудан ва ба Тоҷикистон истирдод намудани шахсони дар ҷустуҷӯ қарордошта баррасӣ гардид”, - таъкид мешавад дар хабар.
Бояд гуфт, ки соли 2023 чанд мавриди истирдоди шаҳрвандони Тоҷикистон, аз ҷумла аз кишварҳои аврупоӣ сабт шудааст. Мақомоти Тоҷикистон иддао доранд, ки истирдоди ин афрод ва муҷозоти онҳо бар асоси далелҳои марбут ба содир кардани ҷинояти онҳо сурат гирифтааст.
Тибқи иттилои Додситонии кулли Тоҷикистон, дар соли 2023 бо дархости кишвар беш аз 200 ҷинояткор боздошт ва истирдод шудааст, ки нисбат ба соли қаблӣ 100 нафар бештар аст. Ба гуфтаи Юсуф Раҳмон, додситони кул, афроди истирдодшуда барои содир кардани ҷиноятҳои гуногун ба ҷавобгарӣ кашида шуданд.
Тоҷикистон бо кадом кишварҳо дар бораи истирдод қарордод дорад ва бо кадом кишварҳо чунин созишномаҳо баррасӣ мешаванд, инҷо бихонед.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста