Як ҷавонзани 33-солаи сокини ноҳияи Варзоб ва модари 4 фарзанд ба он гумонбар мешавад, бо корд шавҳарашро захмӣ кардааст. Дар ин бора аз барномаи “Милитсия хабар медиҳад”-и ВКД иттилоъ дода мешавад.
Дар навор аз ин зан Лутфия Сафариева, сокини деҳаи Чорбоғи ноҳияи Варзоб ном бурда мешавад, ки рӯзи 28-уми августи соли равон “аз ҳиссиёти рашк ва нобоварӣ” шавҳараш Фирӯзҷон Бердиевро бо корд задааст.
“Аз қаҳру ғазаб хостам, ки тариқи суд ҳеҷ чизро харида натавонад, сейфашро оташ задам, сумҳояш сухтанд. Шавҳарам омад дид, ки сейфаш оташ задагӣ аз қаҳру ғазаб гулуи маро қапид. Ман ҳам хостам худро аз дасташ халос кунам ё ин ки асабӣ будам, ки нохост бо кордча бо дасти рост ба пушташ задам. Як бор ба пушт як бори дигар ба куҷое аз дасташ буд, ҳаминқадар дар хотирам ҳаст”,- нақл мекунад Лутфия Сафариева дар навор.
Маълум нест, ки дар дохили сейф чӣ қадар маблағ буд ва он бо кадом роҳ ба даст оварда шудааст. Ҳамчунин маълум нест, ки сухан дар бораи кадом суд меравад.
Ба гуфтаи манбаъ, Фирӯзҷон Бердиевро наздиконаш ба беморхона бурдаанд ва ӯ дар натиҷаи зарба бо корд “ҷароҳатҳои вазнини ҷисмонӣ бардоштааст”.
Нисбати Лутфия Сафариева барои сӯиқасд ба одамкушӣ ва одамкушӣ (моддаи 32 Кодекси ҷиноятӣ) парвандаи ҷинотяӣ боз шуда, тафтишот аз ҷониби Додситонии ноҳияи Варзоб идома дорад. Ин банди қонунгузорӣ аз 8 то 15-соли ҳабсро пешбинӣ мекунад.
Назари наздикони ҳарду тараф ва вакилони дифои онҳо маълум нест.
“Ба соҳаи кишоварзӣ сабукиҳои андозӣ татбиқ ва муҳоҷират танзим шавад”. ҲАТ бо чӣ барнома вориди корзори интихоботӣ мешавад?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 16 феврали соли 2025
Аз ҳисоби пешниҳоди имтиёзҳои андозӣ буҷети кишвар аз миллионҳо сомонӣ маҳрум шуд
Дар Тоҷикистон смартфони HONOR X8c муаррифӣ шуд
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 15 феврали соли 2025
“Ғоратгарӣ ва куштани соҳибхонаҳо”. Додситони кул ангезаи кушторҳои пайдарпай дар Конибодомро шарҳ дод
Додситонии кул ҳадафи ҳамлаи террористӣ ба мошини раиси ҲХДТ дар Кӯлобро шарҳ дод
Тоҷикистон барои бунёди НБО "Роғун" ба маблағи 812 млн доллар созишнома имзо кардааст
Ошӯб дар зиндони Ваҳдат. Додситони кул гуфт, ки сардори зиндон захмӣ шудааст
Додситони кулли Тоҷикистон гуфт, соли гузашта Русия беш аз 30 ҳазор муҳоҷири тоҷикро “бозпас фиристод"
Кулли ахбор
Авторизуйтесь, пожалуйста