Фаррух Носиров, роҳбари ҳамакнун пешини дастгоҳи шаҳри Истиқлол (Табошари пешин) бо гумони қаллобӣ аз сӯи Оҷонсии зиддифасоди Тоҷикистон боздошт шудааст. Дар ин бора Қаюм Маҳмудзода, раиси шаҳри Истиқлол ба “Азия-Плюс” хабар дод.
Ба иттилои ӯ, Носиров баъди дастгир шуданаш аз вазифа озод гардида, ҳамчунин, ваколати вакилиаш дар Маҷлиси вакилони халқи шаҳри Истиқлол бекор карда шудааст.
Қаюм Маҳмудзода гуфт, роҳбари пешини дастгоҳаш ба он гумонбар мешавад, ки се сол пеш замоне, ки дар ҳукумати шаҳр кор намекард, ҳамчун миёнарав дар хариду фурӯши хона аз чандин нафар маблағ гирифта, ба манфиати онҳо коре накардааст.
Вале Оҷонсии зиддифасоди Тоҷикистон рӯзи 1-уми октябр бо нашри хабар дар бораи боз шудани парванда нисбати Фаррух Носиров навишт, ки ӯ “бо истифода аз мақоми хидматӣ” аз як шаҳрванд барои хусусӣ кардани ду манзили истиқоматии давлатӣ 45 ҳазор сомонӣ гирифта, “ба манфиати шахсии худ сарф карда ба фоидаи онҳо ягон амалро иҷро накард”.
"Чунончи, Носиров Ф.С. дар давоми соли 2023 аз мақсади шаҳрванд Ю. М. Р. ҷиҳати харидорӣ намудани манзили истиқоматӣ хабардор шуда, ба охирин пешниҳод кард, ки бар ивази маблағи 20000 сомонӣ метавонад аз маҳаллаи 1-ум ва бар ивази маблағи 25000 сомонӣ аз маҳаллаи 2-юми шаҳри Истиқлол манзилҳои истиқоматии давлатиро ба ному насабаш хусусӣ гардонида диҳад.
Ҳамин тариқ, Носиров Ф.С. бо роҳи фиреб ва истифодаи мақоми хизматиаш дар ду ҳолат аз шаҳрванд У.А.Г. тавассути ҳамсараш Ю.М.Р. маблағи 45000 сомониро гирифта, онро тасарруф намуда, ба манфиати шахсии худ сарф карда ба фоидаи онҳо ягон амалро иҷро накард", - гуфта мешавад дар хабари Оҷонсии фасод.
Ин ниҳод навишт, ки Носиров ду соли охир (аз июли соли 2022 то июли соли 2024) ба ҳайси раиси дастгоҳи шаҳри Истиқлол кор мекард.
Оҷонсии зиддифасод гуфт, Фаррух Носиров қаблан ду маротиба суд шуда, вале “аз ин ҳолат ба худ хулосаи зарурӣ набаровардааст”.
Раиси шаҳри Истиқлол ҳам гуфт, роҳбари пешини дастгоҳи шаҳр аз ин пеш ду маротиба бо қаллобӣ боздошт шуда, бо қарори додгоҳ бо пардохти ҷарима озод шуда буд.
Маълум нест, ки чӣ гуна ӯ бо доғи судӣ дар дастгоҳ кор кардааст.
Ҳоло ба иттилои Оҷонсии фасоди кишвар нисбати Фаррух Носиров барои қаллобӣ ба миқдори махсусан калон (моддаи 247 қисми 4 банди “б” КҶ Тоҷикистон) паврандаи ҷиноятӣ боз шуда, ба додгоҳ исрол шудааст.
Назари худи Носиров, наздикон ва вакили дифои ӯ маълум нест.
Ҳоло Кароматулло Аюбов, роҳбари дастгоҳ шаҳри Истиқлол аст.
"Шуълаи орзу". Филми мустанад дар бораи ҷавоне, ки мушкилиҳои зиндагӣ ӯро қаҳрамон кард
Истаравшан шаҳри умумиҷаҳонии ҳунармандӣ шуд. Ин шаҳр бо чӣ машҳур аст?
Ду медали Тоҷикистон дар мусобиқоти ҷудои ҷаҳон миёни ҷавонон
Парлумони Тоҷикистон тартиби соддакунии ҳамлу нақли борро бо Ӯзбекистон тасдиқ кард
“Пул надоштам”. Милитсияи пойтахт навори ҷузъиёти ҳамла ба ронандаи “Як такси”-ро нашр кард
Нашри китоб дар бораи таърихи ҷанги шаҳрвандӣ ва корномаи Эмомалӣ Раҳмон бо забони арабӣ дар Миср
"Ба ихроҷ омода шавед". Дар Русия амалиёти “Нелегал-2024” мегузарад
Боздошти сардори Идораи беҳдошти замини Абдураҳмони Ҷомӣ бо гумони заминфурӯшӣ
Як сокини Қубодиён барои қасди куштори ҳамсараш 16 сол равонаи зиндон шуд
“Аудиокитоб” бо Субҳон Ҷалилов. Маснавии маънавӣ. Ҳикояи "Ҷавоби Фиръавн"
Кулли ахбор
Авторизуйтесь, пожалуйста