Зимни сафари президенти Русия Дмитрий Медвелев ба Тоҷикистон миёни кишварҳо се санади ҳамкорӣ ба имзо мерасанд. Дар ин бора ба ОИ «Азия-Плюс» як манбаъи огаҳ аз ҳукумати кишвар хабар дод.

Бино ба иттилои манбаъ, пас аз гуфтушуниди сарони кишварҳои Тоҷикистону Русия тасвиби асноди зерин дар назар аст:

- Изҳороти муштараки сарони кишварҳои Русияву Тоҷикистон;

- Созишнома дар бораи ҳамкорӣ дар бахши ҳифзи марзҳои давлатӣ;

- Барнома оид ба ҳамкории тиҷоративу иқтисодӣ миёни Тоҷикистону Русия барои солҳои 2012-2015.

Дар чаҳорчӯби сафари мазкур президенти Русия рӯзҳои 2-3-ми сентябр дар мулоқоти чаҳоргонаи сарони кишварҳои Тоҷикистону Русия ва Афғонистону Покистон ва ҳамчунин дар кори ҷаласаи Шӯрои сарони кишварҳои узви Иттиҳоди Давлатҳои Мустақил низ ширкат хоҳад варзид.