Чанде қабл фаъолияти расмии сафоратхонаи Тоҷикистон дар Кувайт оғоз гардид.

Бино ба маълумоти департаменти иттилооти Вазорати корҳои хориҷии ҷумҳурӣ, дар ин робита сафири Тоҷикистон дар Кувайт Зубайдулло Зубайдов бо мудири шӯъбаи Осиёи Вазорати корҳои хориҷии Кувайт Муҳаммад Аҳмад ар-Румӣ мулоқот анҷом дода, роҷеъ ба оғози фаъолияти сафорат маълумот дод.

Ба иттилои манбаъ, зимни мулоқот ҷонибҳо масоили рушду тавсеаи ҳамкориҳои мутақобилан судманди миёни ду кишварро мавриди баррасӣ қарор дода,  Аҳмад ар-Румӣ кушодашавии сафорати Тоҷикистонро рӯйдоди муҳим дар муносибатҳои ду кишвари дӯст арзёбӣ кард.