Имрӯз дар Душанбе таҳти унвони «Инъикоси арзишҳои миллӣ дар васоити ахбори умум» мизи гирд доир мегардад.

Чорабинии мазкур аз ҷониби Маркази таблиғот ва таҳлили Дастгоҳи Кумитаи иҷроияи марказии Ҳизби халқии демократии Тоҷикистон созмон дода мешавад.

Тавре ба ОИ «Азия-Плюс» аз ситоди ҲХДТ хабар доданд, барои иштирок дар кори мизи гирд роҳбарони васоити ахбори умум давъат шудаанд. Дар ҷараёни кори мизи гирд баргузор шудани маросими муаррифиномаи оғози фаъолияти Маркази таблиғот ва таҳлили Дастгоҳи Кумитаи иҷроияи ҲХДТ ва ҳамчунин сомонаи интернетии ҳизб дар назар аст.

Ба иттилои манбаъ, ғайр аз ин, дар чорабинӣ ба иштирокдорон баррасии масъалаи таъмини амнияти иттилоотии Тоҷикистон пениҳод хоҳад шуд.

Ёдрас мекунем, ки тирамоҳи соли равон дар Тоҷикистон маъракаи интихоботи президентӣ доир мегардад. Айни замон президенти Тоҷикистон раиси ҲХДТ Эмомалӣ Раҳмон мебошад.