Нозирон тақрибан як соат аз рафти интихобот дар қитъаи раъйдиҳии №4-и ноҳияи Исмоили Сомонӣ назорат набурданд. Тавре раиси қитъаи мазкур Рафиқа Мусоева ба Хабаргузории «Азия-Плюс» шарҳ дод, нозирон ҳама ба хӯроки нисфирӯзӣ рафтаанд.

Айнан ҳамин ҳол дар қитъаҳои иинтихоботии №25 ва 27-и ноҳияи Фирдавсӣ ба назар мерасид. Соати 10:00 курсиҳои нозирони дохилӣ ва хориҷӣ дар ин ду қитъа холӣ буданд.

Ба гуфтаи коршиносон, ҳарчанд дар қонунгузорӣ дақиқан зикре нарафтааст, ки нозирон қитъаи интихоботиро якҷоя дар рафти интихобот метавонанд тарк кунанд ё не, аммо дар ҳар сурат ин ҳолат аз бесмаъулиятии онҳо далолат медихад, чунки дар як ё ду соати набудани онҳо шаҳрвандон метавонанд ба қонуншиканӣ роҳ диҳанд ва ин ҳолат аз чашми нозирон дур мемонад.

Вокеан, тавре хабарнигорони «Азия-Плюс» мушоҳида карданд, дар қитъаи интихоботии №4-и ноҳияи Исмоили Сомонӣ ба як кабинаи интихоботӣ дар як замон дунафарӣ овоз доданд.

Аммо раиси ин қитъа мегӯяд, агар шахрванд тарзи дурусти пур кардани варақаи овозжиҳиро надонад, ӯро дар рафти раъй нафари огаҳ метавонад ҳамраҳӣ кунад.

Дар навори видеоие, ки дар қитъаи интихобтии №68-и ноҳияи Синои шаҳри Душанбе бардошта шудааст, баръало маълум аст, ки 2 мард бо истифода аз чанд варақаи раъйдиҳӣ ба ҷонибдории номзади мавриди писанд овоз дод.

Аммо бо ин ҳама, ба гуфтаи нозирон аз ИДМ Олга Гаврук ва сафири Арманистон дар Тоҷикистон Владимир Бадалян, ҷараёни интихобот бе камбудӣ мегузарад.