Президенти Тоҷикистон Эмомалӣ Раҳмон ба сарвари давлати Қазоқистон Нурсултон Назарбоев ба муносибати солгарди ҷашни милии Ҷумҳурии Қазоқистон – Рӯзи истиқлолият барқияи шодбошӣ ирсол намуд.

Бино ба иттилои хадамоти матбуоти сарвари давлат, дар барқияи табрикотӣ Эмомалӣ Раҳмон бо изҳори қаноатмандӣ зикр мекунад, ки ҳамкориҳои Тоҷикистону Қазоқистон, ки бар анъанаҳои мустаҳками дӯстӣ ва эҳтироми ҳамдигарӣ асос ёфтаву решаҳои қадимии таърихӣ доранд, зина ба зина рушд меёбанд.

«Мехоҳам арзиши хосса ва манфиати кӯшишҳои мутақобилаи таҳкими ҳамкориҳои бисёрҷабҳаи моро ба манфиати ду миллати бародар ва дар маҷмуъ, баҳри минтақа таъкид намоям. Тоҷикистон миньаъд низ аз ҷониби худ барои ин раванд ҷидду ҷаҳд хоҳад кард», - гуфта мешавадл дар барқияи сарвари давлати Тоҷикистон.