Дар вилояти Суғд миёни 10 дастаи наҳзатӣ мусобиқаи волейбол гузаронида шуд.

Ба иттилои сомонаи расмии ҲНИТ, Илҳомҷони Ёқуб, масъули шуъбаи ҲНИТ дар вилояти Суғд гуфтааст, волейболбозони навоҳии Ашту Мастчоҳ, Истаравшану Ҷаббор Расулов, Бобоҷон Ғафурову Хуҷанд, Исфара ва Зафаробод, Спитамену Конибодом байни ҳам сабқат кардаанд.

Гуфта мешавад, дар натиҷаи ин бозӣ дастаи Ашт сазовори ҷойи аввал дониста шуда, волейболбозони ноҳияи Мастчоҳ ҷойи дувумро ишғол карданд ва ҷойи савум насиби бозингарони ноҳияи Истравшан шудааст.

Зимнан зикр мегардад, ки шуъбаи ҲНИТ дар вилоят Суғд ба варзиш таваҷҷуҳи хос зоҳир намуда, ҳамвора мусобиқоти мухталифи варзиширо байни масъулин, аъзо ва ҷонибдорон доир менамояд.