Субҳи имрӯз пезиденти Тоҷикистон Эмомалӣ Раҳмон аз ноҳияи Ҳисор боздид намуда, бо ҷараёни сохтмони иншооти ҷашнӣ ба мунсибати 3000-солагии Ҳисор шинос шуд.

Бино ба маълумоти хадамоти матбуоти сарвари давлат, зимни сафар Эмомалӣ Раҳмон ба рафти сохтмони варзишгоҳ барои 20 ҳазор тамошобин, мактаби президентӣ ва чойхонаи миллӣ, кохи фарҳанг, китобхона, барқарору эҳёкунии қасри Ҳисор, таъмиру азнавсозии роҳҳо, сохтмони манзилҳои зисти баландошёна ва корхонаи истеҳсоли хишт аз наздик ошно гардид.

Гуфта мешавад, сарвари давлати Тоҷикистон ҳамчунин ба як қатор хоҷагиҳои деҳқонии ноҳия, аз ҷумла боғи себ, ки дар муқоиса бо дигар боғҳо 4-5 маротиба бештар ҳосил медихад, низ ташриф овард.